Зараз завяршаецца вылучэнне кандыдатаў у дэлегаты. Гэта выключна прадстаўнікі вертыкалі і вялікіх праўладных арганізацый, як напрыклад прафсаюзы ці саюз жанчын. Заяўляецца, што УНС стане найвышэйшым органам народаўладдзя ў краіне. Атрымае шырокія паўнамоцтвы і будзе вызначаць стратэгічнае развіццё Беларусі.
На думку грамадскага дзеяча, наўрад ці грамадзяне ўспрымуць новы орган, як станоўчыя палітычныя змены ці нейкі транзіт улады:
— У бальшыні грамадства проста няма даверу да гэтай улады. І таму людзі будуць ставіцца скептычна. Але ж людзі баяцца выказаць сваё аб’ектыўнае меркаванне. Асабліва станоўча гэта не паўплывае, калі гэта разглядаць з боку даверу народа да ўлады.
Усебеларускі народны сход будзе складацца з 1200 дэлегатаў. На першым паседжанні, 24-25 красавіка, будуць сфармаваныя кіраўнічыя органы, а пасля вызначаны дальнейшы парадак задач. Чакаецца, што дальнейшымі крокамі будзе зацвярджэнне праектаў Канцэпцыі нацыянальнай бяспекі і Ваеннай дактрыны.
Беларускае Радыё Рацыя
