Берасцейскі ГУБАЗіК заявіў пра затрыманне асоб, якія, паводле яго, аказвалі садзейнічанне праваабарончаму цэнтру «Вясна», прызнанаму ўладамі Беларусі экстрэмісцкім фармаваннем.
Затрыманыя тры чалавекі — у Берасці, Баранавічах і Пінску. Больш падрабязна ГУБАЗіК распавёў толькі пра 40-гадовага жыхара Берасця, які, паводле сілавікоў, наведваў суды па крымінальных справах «экстрэмісцкай накіраванасці», «фіксаваў ход і вынікі пасяджэнняў, інфармацыю пра сведкаў і прадстаўніках праваахоўных органаў». Далей гэтыя звесткі перадаваліся для публікацыі на інтэрнэт-рэсурсах, якія сілавікі называюць «дэструктыўнымі». Распачата крымінальная справа за садзейнічанне экстрэмісцкай дзейнасці. Берасцеец змешчаны ў следчы ізалятар.
Беларускае Радыё Рацыя
