Рэпрэсіі ў Беларусі. Сілавікі затрымалі жыхарку Гомеля за негатыўныя каментары наконт тэракту ў падмаскоўным “Крокус сіці холе”.
Таксама сцвярджаецца, што жанчына нібыта «распаўсюджвала экстрэмісцкія матэрыялы, садзейнічала экстрэмісцкай дзейнасці, распальвала нацыянальную варожасць і варажнечу». У дачыненні да затрыманай распачаты крымінальныя справы.
Раней у розных гарадах Беларусі ўжо прайшлі затрыманні за каментары пра названы тэракт. Адзін з абвінавачаных з’явіўся ў відэа сілавікоў з перабінтаванай галавой. Дыктар блізкага да сілавікоў тэлеграм-канала тлумачыць, што ў затрыманага «пачаліся праблемы з вухам». Гледзячы па ўсім, сілавікі намякалі на катаванні падазраваных ва ўчыненні тэракту.
Беларускае Радыё Рацыя