У Беларусі на панядзелак, 11 сакавіка, сіноптыкі аб’явілі жоўты ровень небяспекі з-за моцнага ветру, паведамляе Белгідрамет.
Раніцай і днём 11 сакавіка па захадзе Беларусі месцамі чакаецца ўзмацненне ветру, яго парывы будуць дасягаць 15-18 метраў за секунду. Пераважна без ападкаў.
Уначы мароз да -3…-9 градусаў, крыху цяплей у паўднёва-заходніх рэгіёнах каля 0…-2 градусаў. А днём паветра прагрэецца максімум да +4…+9 градусаў.
