У Беларускім Доме ў Варшаве адзначаны ўзнагародамі ад Рады БНР беларусы, якія зрабілі шмат важнага і каштоўнага для развіцця нацыянальнага адраджэння, мовы, культуры, незалежнасці Радзімы. На ўручэнні ўзнагарод пяці вядомым беларусам было шмат людзей. Панавала атмасфера ўзрушанасці і зычлівасці.
Паводле Зянона Пазняка, узнагароджанага Ордэнам Пагоні, гэтыя прызнанні сведчаць пра аб´яднанне беларусаў дзеля адраджэння роднай краіны:
– У Радыё Рацыя беларусы мелі рацыю. А Наша рацыя – гэта наша воля, незалежнасць, наша вялікая культура. І гэтая ўзнагарода – сведчанне таго, што мы аб’яднаныя. Мы аб’яднаныя з адной мэтай – Жыве Беларусь!
Алесь Зарэмбюк:
– Усцешаны тым, што беларускае жыццё працягваецца, і што беларуская нацыянальная ідэя жыве.
Яраслаў Іванюк:
– Для мяне гэта прызнанне не толькі асабістае, але таксама для людзей, якія працуюць над Камунікатам, над папаўненнем зместу гэтай бібліятэкі.
Поўны матэрыял у далучаным гукавым файле:
Знакамітая спартоўка-плыўчыха Аляксандра Герасіменя, узнагароджаная медалём Ордэна Пагоні лічыць, што яна выбрала ў сваім жыцці правільны кірунак. Сустаршыня Руху Салідарнасці «Разам» Алена Талстая ўспрымае сваё ўзнагароджанне, як прызнанне ў цэлым работы Руху Салідарнасці «Разам» дзеля волі і незалежнасці Айчыны.
Беларускае Радыё Рацыя