Сёння спаўняецца 95 гадоў з дня нараджэння беларускага гісторыка і грамадскага дзеяча Юры Туронка.
Сын лекара, беларускага грамадскага дзеяча Браніслава Туронка, нарадзіўся ў Вільні ці ў мястэчку Дукшты (зараз на тэрыторыі Літвы). Вучыўся ў Першай Віленскай гімназіі. У 1945 годзе разам з сям’ёй пераехаў на Беласточчыну. Актыўна займаўся гістарычнымі даследаваннямі і браў удзел у беларускім руху ў Польшчы.
Юрый Туронак напісаў шэраг кніг, сярод якіх – “Беларускае школьніцтва на Беласточчыне”, “Беларусь пад нямецкай акупацыяй”, “Беларуская кніга ў Другой Рэчы Паспалітай”, “Вацлаў Ластоўскі і адраджэнне Беларусі” ды іншыя. Сачыў за беларускім жыццём, з унукамі размаўляў толькі па-беларуску.
Памёр на 90-м годзе жыцця. Пахаваны па Праваслаўных могілках у Варшаве.
Паслухайце гісторыю жыцця і станаўлення беларускага гісторыка і грамадскага дзеяча Юры Туронка з яго вуснаў у архіўных запісах Радыё Рацыя:
Беларускае Радыё Рацыя