Зборнік «Карані / Лісце» стаў вынікам чатырохмесячнай пісьменніцкай лабараторыі, удзел у якой узялі беларускі.
Прэзентацыі ўжо адбыліся ў Кракаве, Варшаве і Вільне, а ў пятніцу пра зборнік распавялі ў беластоцкім хабе «Новая зямля». Вядучая сустрэчы, пісьменніца Кацярына Дабкене падзялілася, як прайшла прэзентацыя.
– Для мяне як для аўтаркі было вельмі важна распавесці пра гэты досвед, і для мяне персанальна, асабова, гэты зборнік вельмі важны і значны. Мне хацелася распавесці пра тыя разнастайныя галасы, якія складаюць гэтую кнігу. Пра тыя карціны, малюнкі, пра тыя віды светапогляду, якія будуць сабраныя на вокладцы. І мне вельмі падабалася, што была дыскусія, што людзі штосьці пытлі.
У зборнік увайшло 27 твораў — гэта проза і паэзія, якая даследуе сямейныя наратывы, уплыў імперый на свядомасць і мову. Наступная прэзентацыя адбудзецца ў Тбілісі.
Беларускае Радыё Рацыя