У сераду, 28 лютага, з’езд дэпутатаў непрызнанай рэспублікі Прыднястроўе звярнуўся да Расеі па «абарону» ад Малдовы. Чакалася, што Пуцін ухваліць гэтую просьбу 29 лютага падчас свайго паслання Федэральнаму сходу.
Гэтага не адбылося, але пагроза паўтора ўкраінскага сцэнара застаецца для Малдовы, пра што кажа народны дэпутат Украіны Алег Дунда:
–Мы павінны разумець, гэта нават не пытанне да ўкраінцаў, украінцы гэта, безумоўна, разумеюць. Гэта пытанне да нашых заходніх партнёраў пра тое, што яны ўжо знаходзяцца ў вайне. І вайна, і Украіна ў дадзеным выпадку з’яўляюцца адной з частак гэтай вайны, адным з палёў бітвы. Такіх палёў бітвы дастаткова шмат – яны ёсць у Афрыцы, у Ізраілі. Чым хутчэй Еўропа гэта ўсьвядоміць, тым больш шанцаў пасля, што яна не скоціцца ў гарачую фазу гэтай вайны. І ў дадзеным выпадку, чаму б гэтаму не пачацца ў Прыднястроўі? То бок, гэта абсалютна лагічнае, заканамернае развіццё працэсу.
Вядома, што кіраўнік МЗС Малдовы Міхай Папшой заявіў, што краіна «застаецца мішэнню для Расеі, якая працягне гібрыдную вайну супраць Малдовы ў 2024 годзе». Адпаведна кіраўнік МЗС Аўстрыі заклікаў Кішынёў «захоўваць стрыманасць» на фоне звароту Прыднястроўя.
Цалкам гутарка:
Беларускае Радыё Рацыя