Аляксандр Лукашэнка па тэлефоне павіншаваў Пуціна з перамогай у выбарах і даручыў вывучыць досвед прэзідэнцкай кампаніі ў Расеі з прыцэлам на 2025 год. Пра гэта ён заявіў на нарадзе, прысвечанай арганізацыі Усебеларускага народнага сходу.
Сітуацыю каментуе палітолаг Аляксандр Фрыдман:
-Тое, што ён тэлефануе, тое, што з ім размаўляе, гэта паказвае асаблівы ровень адносінаў. І гэта не тое, чым з беларускага пункту гледжання трэба асабліва захапляцца. І гэта паказвае, у якой ступені Лукашэнка ўключаны ў расейскае ўнутрыпалітычнае жыццё. Расея разглядае Беларусь як тэрыторыю, якую яна кантралюе. Яна не разглядае Беларусь як самастойную дзяржаву.
На думку Аляксандра Фрыдмана, вынікі прэзідэнцкіх выбараў у Беларусі 2025 года будуць залежыць ад вынікаў вайна Расеі ва Ўкраіне. Пры паразах Расеі Лукашэнка пройдзе на новы тэрмін. А вось пры перамозе Расеі, Беларусь чакаюць рэзкія і карэнныя палітычныя змены на карысць расейскіх інтарэсаў.
Беларускае Радыё Рацыя