Сёння Святлана Ціханоўская ўшанавала памяць ахвяр катастрофы на Чарнобыльскай АЭС. Лідарка дэмакратычных сілаў Беларусі разам з дыпламатамі, акрэдытаванымі ў Літве, усклала кветкі да помніка “Маці Чарнобыля” ў Вільні.
Каментуючы падзею, Ціханоўская адзначыла ў сацсетках: “Сёння разам з пасламі нашых дэмакратычных саюзнікаў я ўсклала кветкі да мемарыяла ахвярам чарнобыльскай катастрофы ў Вільні. Гэта была вялікая трагедыя не толькі для народа Беларусі, але і для ўсяго свету. Нельга дапусціць, каб Чарнобыль паўтарыўся!”
У сваім ранішнім звароце да беларусаў Ціханоўская заявіла, што рэжым Лукашэнкі ператварае “нашу краіну ў гуманітарны Чарнобыль”, дзе тысячы людзей знаходзяцца ў турмах, а сотні тысяч выехалі.
Беларускае Радыё Рацыя
Фота: t.me/tsikhanouskaya