Голад на поўначы сектару Газа непазбежны і наступіць у найбліжэйшыя два месяцы, гаворыцца ў дакладзе, які падтрымала ААН.Згодна з дакументам, колькасць людзей, якім пагражае «катастрафічны голад», вырасла да 1,1 мільёна, што складае каля паловы насельніцтва сектару Газа.
«Людзі ў сектары Газа цяпер паміраюць ад голаду. Хуткасць, з якой гэты штучны крызіс голаду распаўсюдзіўся па Газе, жахае», – перадае словы кіраўніка Сусветнай харчовай праграмы ААН Сіндзі Макейн інфармацыйнае агенцтва AFP. Дабрачынная арганізацыя Oxfam у панядзелак абвінаваціла Ізраіль у тым, што ён працягвае «сістэматычна і наўмысна блакаваць і падрываць» дастаўку дапамогі ў Газу, парушаючы міжнароднае гуманітарнае права.
Кіраўнік знешнепалітычнага ведамства ЕЗ Жазэп Барэль заявіў сёння, што Ізраіль правакуе голад у сектары Газа і выкарыстоўвае голад як зброю вайны.
