Міністр замежных спраў Польшчы Радаслаў Сікорскі адказаў Папу Рымскаму Францыску на прапанову Украіне “набрацца мужнасці, каб узняць белы сцяг”.
Фота: РАР
Сікорскі параіў Францыску лепш звярнуцца да расейскага прэзідэнта Уладзіміра Пуціна, каб той “набраўся мужнасці вывесці войскі з Украіны”.
“Як наконт таго, каб для раўнавагі заахвоціць Пуціна набрацца мужнасці і вывесці сваё войска з Украіны? Мір адразу ж надышоў бы без перамоваў”, – папісаў Сікорскі ў сацсетцы.
На гэтую ж заяву Папы Рымскага ўжо адрэагаваў і прэзідэнт Латвіі Эдгарс Рынкевічс. Ён зазначыў, што “зло павінна капітуляваць”.
9 сакавіка Францыск выказаў меркаванне, што Украіна павінна мець “мужнасць”, каб падняць “белы сцяг” і дамовіцца з РФ аб спыненні вайны. Пазней начальнік прэс-службы Ватыкана Матэа Бруні ўдакладніў, што Папа Рымскі не меў на ўвазе капітуляцыю Украіны.