Па выніках пасяджэння Выбарчай камісіі былі зацверджаныя 12 спісаў кандыдатаў у новы склад Каардынацыйнай рады – прадстаўнічага органа беларусаў за мяжой.
Выбары пройдуць 25-27 траўня шляхам анлайн-галасавання. Галасаваць неабходна будзе не за кожнага асобнага чалавека, а за спісы. Выбаршчыкі змогуць прагаласаваць толькі за адзін з гэтых спісаў. Па выніках галасавання будуць абраныя 80 дэлегатаў. За тэхнічны бок выбараў адказвае каманда Паўла Лібера, сузаснавальніка праекту «Новая Беларусь».
Вынікі выбараў абяцаюць аб’явіць 8 чэрвеня, а першае пасяджэнне новага склікання Каардынацыйнай рады плануецца правесці 15 чэрвеня.
Беларускае Радыё Рацыя
