У адказ на заяву Лукашэнкі пра канчатковую пастаўку тактычнай ядзернай зброі з Расеі ў Беларусь, дэмакратычны лідар Святлана Ціханоўская на сваёй старонцы ў Х, заклікала свет да «моцнага і рашучага» адказу на фоне заяў Лукашэнкі пра ядзерную зброю ў Беларусі.
Сітуацыю каментуе радыяцыйны хімік Сяргей Бесараб:
– Па апошнім дадзеным, якія агучылі беларускія чыгуначнікі, трансфер завершаны. Ён складаецца з 2 частак: першая гэта ракеты Іскандэр-М, а другая частка – ракеты тыпу А58-У, гэта ракеты для мадыфікаваных самалётаў СУ24-М. Асноўная база захоўвання – Баранавіцкая РТБ23-33. Іскандэры могуць быць у вёсцы Цэль каля Асіповічаў. Галоўнае тое, што гэта ў дасяжнасці гадзіны – Беларусь невялікая краіна.
Па словах эксперта, Расея размясціла тактычную ядзерную зброю ў Беларусі для запалохвання Захаду і стварэння напружанасці для Украіны падчас вайны. Таксама застаецца невядомым, наколькі такая зброя прыдатная для вядзення баявых дзеянняў.
Беларускае Радыё Рацыя
