У адпаведнасці з Планам міжнароднага ваеннага супрацоўніцтва на 2024 год 23 красавіка пачаўся візіт у Беларусь егіпецкай ваеннай дэлегацыі на чале з начальнікам галоўнага ўпраўлення баявой падрыхтоўкі і ваеннай адукацыі Узброеных Сіл Арабскай Рэспублікі Егіпет генерал-маёрам Асамам Махамедам Салахам Нагой. Пра гэта паведамілі ў Міністэрстве абароны.
У Цэнтральным Доме афіцэраў Узброеных Сіл Беларусі прайшла сустрэча дэлегацыі з начальнікам галоўнага ўпраўлення баявой падрыхтоўкі Узброеных Сіл Беларусі генерал-маёрам Аляксандрам Басам.
У ходзе візіту прадстаўнікі егіпецкай ваеннай дэлегацыі наведаюць ваенныя навучальныя ўстановы, дзе пазнаёмяцца з сістэмай падрыхтоўкі ваенных кадраў у Беларусі.