Парламенцкая асамблея Рады Еўропы (ПАРЕ) у сваёй рэзалюцыі асудзіла дзяржавы, якія на міжнародных пляцоўках працягваюць падтрымліваць расейскую дэзінфармацыю, апраўдваючы агрэсію Расеі супраць Украіны.
Сярод такіх дзяржаў назвалі Беларусь, Іран, Кубу, Паўночную Карэю, Венесуэлу. У ПАРЕ перакананыя, што падтрымка расейскай агрэсіі «падрывае дэмакратыю ва ўсім свеце».
Парламенцкая асамблея Рада Еўропы заклікала сваіх чальцоў і назіральнікаў у арганізацыі ўзмацніць работу па вызваленні і абмене палітычных зняволеных, якіх утрымліваюць у турмах Расеі і Беларусі. «У першую чаргу — Уладзіміра Кара-Мурзу і іншых людзей з цяжкімі захворваннямі», — адзначаецца ў рэзалюцыі арганізацыі. Сярод дзяржаў, якія маглі б ажыццявіць такую дзейнасць, назвалі Нямеччыну, Вялікабрытанію і ЗША.
Беларускае Радыё Рацыя