765-ы дзень вайны. У ЗША сталі менш баяцца, што перадача ATACMS Украіне раздражніць кіраўніка Расеі.
Старшыня Аб’яднанага камітэта начальнікаў штабоў ЗША Чарльз Браўн заявіў, што рызыкі эскалацыі вайны, звязаныя з пастаўкай дальнабойных ракет ATACMS Украіне, сёння зменшыліся ў параўнанні з тым, якімі яны былі раней.
Чарльз Браўн адзначыў, што стрыманы адказ Расеі на серыю нядаўніх нападаў украінскіх беспілотнікаў на аб’екты, што знаходзяцца на яе тэрыторыі, дазволіў Пентагону скарэктаваць свой аналіз.
Тым часам, абвінавачаныя ў здзяйсненні тэракту ў падмаскоўным «Крокусе» нібыта «прызналіся», што ехалі ў Кіеў па ўзнагароджанне. Пра гэта паведаміў расейскі Следчы камітэт. Ці ёсць усяму гэтаму нейкія фактычныя доказы, а не толькі сведчанні падазраваных, не паведамляецца.
Беларускае Радыё Рацыя
