Сёння брытанскі прэм’ер-міністр Рышы Сунак сустрэнецца ў Варшаве з прэм’ер-міністрам Польшчы Дональдам Тускам і генеральным сакратаром НАТО Енсам Столтэнбергам. Пасля гэтага ён паляціць на сустрэчу з канцлерам Нямеччыны ў Берліне.
Дадатковае фінансаванне на 500 мільёнаў фунтаў стэрлінгаў выкарыстоўваюць для хуткай дастаўкі Украіне боезапасаў, сродкаў СПА, беспілотнікаў і інжынернай падтрымкі.
Брытанскае Міністэрства абароны таксама адправіць Украіне новы пакет узбраенняў, у які ўвойдуць:
- 60 катэраў;
- больш за 1600 ракет, у тым ліку дадатковыя Storm Shadow;
- больш за 400 транспартных сродкаў, у тым ліку 160 абароненых мабільных машын “Хаскі”, 162 бронемашыны і 78 усюдыходаў;
- каля 4 мільёнаў патронаў да стралковай зброі.
