Анжаліка Борыс сустрэлася з Падляшскім ваяводам Яцкам Бжазоўскім. Пра польскае школьніцтва ў Беларусі, дзейнасць польскіх адукацыйных пляцовак і штодзённыя праблемы польскай супольнасці за ўсходняй граніцай ваявода Яцэк Бжазоўскі размаўляў са старшынёй Саюза палякаў у Беларусі Анжалікай Борыс і віцэ-старшынём Маркам Занеўскім сёння, 15 красавіка, у Беластоку.
Паводле Анжалікі Борыс, Саюз палякаў на сёння – гэта каля 60-ці пляцовак па вывучэнні польскай мовы, а таксама ўсё больш шматлікія валанцёры, якія дбаюць пра польскія месцы памяці.
Ваявода запэўніў старшыню ў падтрымцы дзейнасці Таварыства. Пра гэта паведаміла прэс-служба Падляшскага ваяводы.