Збор грашовых ахвяраванняў ды валанцёрская дапамога ў прыфрантавых тэрыторыях.
Гэта тыя невялікія крокі, якія могуць зрабіць беларусы і ўкраінцы для таго, каб наблізіць украінскую перамогу, – у гэтым перакананая грамадзянка Беларусі, але ўкраінка па нацыянальнасці спадарыня Дар’я, якая ў ваенны час перабывае ва Украіне:
— Я ўсё ж думаю, што валанцёрства, бо калі б не было гэтага, я не ведаю, у першыя дні Украіне было б вельмі цяжка. І цяпер гэта трэба падтрымоўваць максімальна. Бо без гэтага перамогі, на жаль, не будзе. Я сама троху прыймаю ўдзел, як магу, данаты, цяпер была паездка да Херсону.
Паўнамаштабная вайна ва Украіне ідзе звыш 2 гадоў і 2 месяцаў. Мяркуецца, што атрыманне цяперашняй дапамогі ад ЗША Украіне дапаможа стабілізаваць сітуацыю на фронце.
Беларускае Радыё Рацыя