Інцыдэнт адбыўся ў ноч з 18 на 19 красавіка, паведаміла ў сетцы Х Галоўнае камандаванне Узброеных сіл Польшчы. Польскі вайсковец быў паранены на мяжы з Беларуссю.
Пешы патруль выконваў задачы ў рамках аперацыі «Падляшша». Яго закідалі камянямі мігранты з боку Беларусі, – гаворыцца ў паведамленні.
Колькасць нелегальных мігрантаў, якія спрабуюць патрапіць з боку Беларусі ў Польшчу, расце. Па дадзеных Памежнай службы на 15 красавіка, з пачатку месяца нелегальна перасекчы польска-беларускую мяжу спрабавалі 3200 разоў, а з пачатку 2024 года – 6500.