Выклікаць цікавасць у студэнтаў і маладых спецыялістаў можна дзякуючы магчымасцям і прапановам.
Напрыклад, якасная і сучасная адукацыя ва ўніверсітэтах Беластока, а таксама стварэнне працоўных месцаў і камфортных умоў, лічыць намеснік падляшскага ваяводы Павал Крутуль.
– Гэта для нас вельмі важна, каб маладыя выпускнікі не выязджалі з нашага Ваеводства, а каб заставаліся ў нашым рэгіёне. Без значэння, якой прафесіі: ці гэта кампутаршчыкі, ці іншыя. Напрыклад Беластоцкая Палітэхніка вучыць на шматлікіх кірунках. Будзем рабіць усё, каб наш рэгіён багацеў а не бяднеў праз тое, што выпускнікі выязджаюць.
Тэма студэнтаў і моладзі была агучана з нагоды візіту міністра цыфравізацыі Польшчы Кшыштафа Гаўкоўскага ў Беласток. У рамках візіту міністр наведаў беластоцкую Палітэхніку, сустрэўся са студэнтамі і выкладчыкамі.
Беларускае Радыё Рацыя
