18 красавіка ў 11.30 ва ўніверсітэцкім Цэнтры культуры (ul. Konstantego Ciołkowskiego 1N) адбудзецца прамоцыя і дыскусія вакол кнігі прафесара Алега Латышонка “Усходняя Еўропа ў сутыкненні цывілізацый”. Запрашаюцца ўсе зацікаўленыя.
Прадмет даследавання, прадстаўлены ў манаграфіі прафесара Алега Латышонка – цывілізацыйная прыналежнасьць Усходняй Еўропы ў працах выдатных тэарэтыкаў множнасьці цывілізацый, як яны прадставілі яе гісторыю і нацыянальныя праблемы, асабліва праблему аддзялення ўкраінцаў і беларусаў ад расейцаў.
Паколькі кожны з мысляроў рабіў сваю працу не толькі навукова-даследчай, але і пастулатыўнай, разглядаліся таксама праблемы міжнароднай палітыкі іх вачыма і прапановы новага парадку ў Еўропе і свеце.
Праца прафесара Алега Латышонка — гэта своеасаблівая інтэлектуальная гульня з кожным з вялікіх вучоных паасобку.
Паводле прэс-рэлізу