Польскае агенцтва інвестыцый і гандлю пачало праверкі ў IT-кампаніях, якія прыцягвалі замежных работнікаў па візавай праграме PBH (Poland Business Harbour).
Правяраецца, ці выкарыстоўваліся па прызначэнні выдадзеныя візы. Гаворка пераважна ідзе пра беларусаў, якія часцей за ўсё станавіліся ўдзельнікамі праграмы.
Праграму PBH стварылі ў 2020 годзе, каб прыцягнуць у Польшчу спецыялістаў і тэхналагічныя кампаніі з постсавецкіх краін, перш за ўсё — Беларусі. Праграма ўключала выдачу нацыянальнай візы D23, юрыдычную падтрымку пры пераездзе, дапамогу ў кантактах з органамі самакіравання, СЭЗ, інвестарамі, а таксама гранты. Сёлета Польшча закрыла праграму на фоне візавага скандалу.
Беларускае Радыё Рацыя
