Паліцыя польскага гораду Гданьск затрымала траіх грамадзянаў Беларусі, якія падазраюцца ў махлярстве, у тым ліку – кампутарным. Махляры выманьвалі коды BLIK пад выглядам пакупнікоў на аўкцыёнах, а таксама прадстаўляліся кур’ерамі ці супрацоўнікамі банку і такім чынам завалодалі сумай, большай за 33 тысячы злотых.
Трое мужчын былі затрыманыя каля банкамату падчас чарговай спробы зняць грошы з дапамогай коду, атрыманага ў аднаго з пацярпелых. Падчас дагляду аўтамабілю махляроў паліцэйскія знайшлі некалькі тысячаў злотых і 110 еўраў