З загінулай пасля згвалтавання беларускай Лізаветай Герцэн развіталіся ў Варшаве. Яе пахавалі на Паўночных камунальных могілках у польскай сталіцы.
Развітацца з загінулай прыйшлі каля 70 чалавек. Акрамя родных і блізкіх, прысутнічалі незнаёмыя з ёй пры жыцці людзі, у тым ліку актывісткі фемінісцкага руху з Беларусі і Украіны, праваабаронцы, прадстаўнікі ініцыятывы “Хрысціянская візія”, палітык Зянон Пазьняк з жонкай Галінай.
Цырымонію правялі на польскай і расейскай мовах. Ніхто з прысутных не браў словы. Святар Польскай праваслаўнай царквы прачытаў малітву.
1 сакавіка грамадзянка Беларусі Лізавета Герцэн, якая 25 лютага зведала згвалтаванне і спробу забойства ў цэнтры Варшавы, памерла ў шпіталі. На арганізацыю пахавання Лізаветы было сабрана больш за 110 тысяч злотых.
* * *
У Варшаве развітваюцца з Лізай – 25-гадовай беларускай, на якую напрыканцы лютага ў цэнтры горада напаў, згвалціў і душыў 23-гадовы Дорыян.
Пахаванне адбываецца на Паўночных могілках (Północny cmentarz).
Беларускае Радыё Рацыя