Фонд «Вільна Білорусь» у Вінніцкім абласным краязнаўчым музеі адкрыў фотавыставу «З Україною в серці».
На мерапрыемстве былі прадстаўлены 22 партрэты беларускіх воінаў, якія загінулі ва Украіне, гісторыі іх жыцця і подзвігу.
Кажа кіраўнік фонда «Вільна Білорусь» Аляксей Францкевіч:
– Адбылося вельмі адметнае адкрыццё, бо сярод выступоўцаў была маці вінніцкага героя Украіны, героя Нябеснай сотні, які загінуў разам з Жызнеўскім на Майдане Незалежнасці. Яна ведала маці Жызнеўскага. Яна сказала вельмі шмат добрых і патрэбных слоў. Таксама быў ваенны капелан з ГУРа, які непасрэдна многіх жаўнераў хаваў, ведаў асабіста. Была жонка загінуўшага беларускага героя з пазыўным «Борт». І многія іншыя.
Акрамя гэтага, падчас такіх выстаў фонд «Вільна Білорусь» вядзе перамовы і паступова рыхтуе ўсеўкраінскі з’езд дыяспары. Прынамсі адбылася першая арганізацыйная анлайн-сустрэча з прадстаўнікамі беларускай дыяспары ва Украіне.
Фота Аляксея Францкевіча
Беларускае Радыё Рацыя
