Колькасць пацярпелых пасля ДТЗ у цэнтры Шчэціна вырасла да 20 чалавек.
Кіроўца легкавога аўтамабіля на хуткасці ўехаў у натоўп на плошчы Rodła. Апрача таго, шэсць чалавек, якія пацярпелі ў выніку пятнічнага інцыдэнту, паходзяць з Украіны.
Паводле інфармацыі мясцовых СМІ дзве асобы знаходзяцца ў крытычным стане, чатыры — у цяжкім. Як стала вядома, 33-гадоваму мужчыну, што здзейсніў ДТЗ, можа пагражаць пажыццёвае зняволенне.
У ходзе расследавання пракуратура вырашыла змяніць кваліфікацыю ўчынку кіроўцы. Расследаванне вядзе да замаху на забойства многіх людзей і катастрофы наземнага руху. Санкцыя прадугледжвае пазбаўленне волі ад 15 гадоў да пажыццёвага зняволення. Зараз праводзяцца «працэсуальныя мерапрыемствы».
У пятніцу ў цэнтры Шчэціна кіроўца на хуткасці ўехаў у натоўп людзей на плошчы Родла, пратараніў пешаходаў, а потым спрабаваў уцякаць. Зламысніка затрымалі. Паводле папярэдніх звестак паліцыі, злачынец быў цвярозы. Ён быў адзін у аўтамабілі.
Раней паведамлялася, што 33-гадовы мужчына знаходзіцца на псіхіятрычным лячэнні.
Беларускае Радыё Рацыя
Фота: gs24.pl