Музычныя выступы, дэманстрацыя вырабу віленскіх пальмаў і больш за сто стэндаў з прадуктамі, велікоднымі вырабамі і вырабамі народных майстроў з Падляшша, іншых рэгіёнаў Польшчы, Літвы і Украіны.
На плошчы перад драматычным тэатрам ў Беластоку стартуе сёння (16 сакавіка) Вялікі Казюковы Кірмаш, які традыцыйнага ўжо ладзіцца ў межах Дзён Культуры Крэсаў.
Запрашае Рафал Церніяк суарганізатар мерапрыемства:
– У суботу-нядзелю найбольшае наша мерапрыемства – Вялікі Казюковы кірмаш, які адбудзецца на пляцы перад Драматычным тэатрам. Больш за 140 гандлёвых стэндаў, госці з Украіны, Літвы. З Беларусі на жаль нікога ў гэтым годзе не будзе. Прадстаўлена шмат рэгіёнаў Польшчы, Падляшша. Будзе ўсё, што толькі можна сабе ўявіць.
Беларускае Радыё Рацыя з’яўляецца медыйным партнёрам Дзён Культуры Крэсаў у Беластоку.
Беларускае Радыё Рацыя