Каля трох тысяч легкавых і грузавых аўтамабіляў стаяць у чэргах на граніцах Беларусі з сумежнымі краінамі Еўрапейскага звязу. Гэта вынікае са звестак Дзяржаўнага пагранічнага камітэта Беларусі.
Самыя вялікія чэргі з фур утварыліся на двух дзейных пунктах пропуску на беларуска-літоўскай граніцы – у «Каменным логу» стаяць 710 фур, у «Беняконях» – не менш за 630. Яшчэ 750 грузавых машын стаяць у латвійскім напрамку. У «Брэсце» – каля трохсот фур.
Таксама па ўсіх напрамках назіраюцца чэргі з легкавых аўтамабіляў. Да прыкладу, у «Брэсце» іх не менш за 160 у чарзе, у «Беняконях» – 140, у «Каменным Логу» – каля двухсот. Да таго ж у «Брэсце» цяпер стаяць 25 рэйсавых аўтобусаў.
