Лукашэнка зацвердзіў праект пагаднення з Расеяй пра супрацоўніцтва ў сферы нагляду за фінансавым рынкам. Менск і Масква маюць намер супрацоўнічаць у гэтай сферы і абменьвацца інфармацыяй, у тым ліку і банкаўскімі таямніцамі. Сітуацыю каментуе старэйшы навуковы супрацоўнік BEROC Дзмітрый Крук:
– Гэта проста частка вялікага плану, гэты так званай паглыбленай інтэграцыі па паступовым паглынанні расейскім бокам Беларусі і ўцягванні яе ў сваю арбіту. Калі ў вас фінансавая сістэма фактычна з’яўляецца часткай расейскай і расейскі рубель галоўная валюта, нагляд фінансавы сумесны ідзе, то навошта вам свая валюта. Так ва ўсіх сферах расейцы абралі тактыку паступовага, паэтапнага наступу.
Паводле Дзмітрыя Крука, падрыхтоўка беларуска-расейскага пагаднення пра супрацоўніцтва ў сферы нагляду за фінансавым рынкам з’яўляецца адным з этапаў імплементацыі 28 саюзных праграм, пра якія Пуцін і Лукашэнка дамовіліся 9 верасня 2021 года ў Крамлі.
Беларускае Радыё Рацыя