Пачалося галасаванне за тытул найлепшай Падляшскай маркі. Цягам тыдня кожны жадаючы можа абраць бізнес, падзею або праект, якія палічыў найбольш важнымі і карыснымі для развіцця рэгіёну.
Пра гэта падчас прэс-канферэнцыі паведаміў маршалак Падляшскага ваяводства – Артур Касіцкі:
– З сённяшняга дня пачынаем галасаванне. Сем дзён можна будзе галасаваць на тыя намінацыі, якія паказала капітула. Мы, як урад Падляшскага ваяводства, будзем яшчэ выбіраць амбсадара Падляшскага ваяводства, амбсадара падляшскай гаспадаркі. Ну і відавочна адно з асноўных галасаванняў – «Падляшская марка спажыўца». І тут цікава, як адбудзецца галасаванне датычна кандыдатуры, якая атрымае найвялікшую падтрымку карыстальнікаў інтэрнэту.
Пераможцаў вызначаць у дзесяці катэгорыях, сярод якіх: прадукты харчавання, культура, грамадства, бізнес ды іншыя. Назвы лепшых брэндаў Падляшша агучаць падчас сустрэчы 24 траўня на сцэне Падляшскай оперы і філармоніі.
Беларускае Радыё Рацыя
