Псіхалагічная падтрымка ды падтрымка грашыма, дапамога ў адаптацыі і сацыялізацыі, аказанне медыцынскай дапамогі. Усё гэта пра фарматы працы, якія вядуцца ў адносінах да палітвязняў, якія вымушаныя цяпер з’язджаць з Беларусі.
Распавядае прадстаўніца ініцыятывы дапамогі палітзняволеным у Беларусі dissident.by Марына Касінерава:
– Можна падзяліць на розную дапамогу. Калі людзі з’язджаюць у бліжэйшыя краіны, гэта Польшча, Літва, напэўна, там большасць беларусаў, але ёсць і ў іншых краінах, вядома. І тыя, хто збег ад палітычнага пераследу, яны звычайна легалізуюцца праз атрыманне статусу міжнароднай аховы як статусу ўцекача. У гэтым таксама прадугледжаная дапамога ад пэўных дзяржаваў людзям. Гэта ў тым ліку нейкая грашовая падтрымка.
Марына Касінерава дадала, што таксама аказваецца дапамога для тых палітвязняў, якія знаходзяцца ў Беларусі. Аднак на гэты конт у валанцёраў нашмат менш магчымасцяў.
Цалкам матэрыял слухайце ў далучаным файле:
Беларускае Радыё Рацыя