“Кібер-партызаны” ўзламалі сайт ДОСААФ — Добраахвотнага таварыства садзейнічання войску, авіяцыі і флоту. Яны размясцілі там віншаванне для ваяроў палка імя Кастуся Каліноўскага, якому споўнілася два гады.
Сайт beldosaaf.by ужо недасяжны — але да гэтага была рэдкая магчымасць паглядзець на вынікі ўзлому не на скрыншотах, а ў рэжыме анлайн.
“Упэўненыя, што полк стане асновай арміі свабоднай Беларусі — такой, якой яна павінна быць у незалежнай краіне. Вельмі ганарымся сапраўднымі героямі Беларусі! Разам змагаемся і далей. Пакуль жывуць такія беларусы, Жыве і Беларусь!”, — было напісана на сайце “Кібер-партызанамі”.
