Кіберпартызаны атрымалі доступ да 40 тысяч даносаў у КДБ. Гэта даносы, якія адпраўляліся праз інтэрнэт-партал з верасня 2014 па жнівень 2023 года.
Сярод іншых прыводзіцца данос, складзены жыхаром Беластоку на кіраўніка польскае філіі гомельскае транспартнае кампаніі. Інфарматар сведчыць, што «ў кабінеце дырэктара на відным месцы наклееная сімволіка з БЧБ сцягамі, а таксама карыкатурныя налепкі» на Лукашэнку. Данос быў адасланы 30 ліпеня 2021 году.
Кіберпартызаны маюць таксама прапановы замежных грамадзян пайсці на супрацоўніцтва з КДБ.
Самыя цікавыя з іх яны абяцаюць апублічыць.
