Telegram-канал анархісцкага руху «Право на восстание» паведамляе, што палітвязня Ігара Аліневіча нядаўна змяшчалі ў штрафны ізалятар. Невядома, колькі сутак ён агулам правёў у штрафным ізалятары. Сёлета адміністрацыя жодзінскай турмы неаднаразова кідала палітвязня туды.
Ігар Аліневіч – актывіст анархічнага руху, якога затрымалі пры пераходзе мяжы Беларусі ў ноч з 28 на 29 кастрычніка 2020 года. Яго абвінавацілі па шэрагу артыкулаў за падпал службовых аўтамабіляў, будынку ДАІ, дзяржаўнага камітэту экспертыз у Гомельскай вобласці. У выніку палітвязня асудзілі да 20 гадоў калоніі ўзмоцненага рэжыму. Пазней яму ўзмацнілі пакаранне і перавялі на турэмны рэжым у Жодзіна.
