Неўзабаве зменіцца год, а яшчэ нас чакае цудоўнае свята — Каляды. Што можа быць лепш за прагляд утульных калядных фільмаў на роднай мове?
Мы зберлі для вас некалькі калядных фільмаў па-беларуску, што сагрэюць зімовым вечарам і прынясуць святочны настрой.
Адзін дома (1990)
Home Alone
- Краіна: ЗША
- Жанры: Камедыя, сямейны
- IMDb: 7,6/10
- Пераклад: Шматгалосая закадравая агучка
Несмяротная класіка, каторую не заўжды падабалі нашыя бацькі, аджа пацехі ў фільме збольшага звязаныя са здзекамі з дарослых. Ніколі не абрыдне глядзець, як 8-гадовы хлопец зрывае бандытавы планы.
Дзе глядзець: Кінакіпа
Калядны харал (2009)
A Christmas Carol
- Краіна: ЗША
- Жанры: Драма, фэнтэзі, анімацыя
- IMDb: 6,8/10
- Пераклад: Двохгалосая закадравая агучка
Гэта вечная павучальная гісторыя пра старога і суровага скупяндзея, каторага цікавяць толькі грошы. Ён грэбуе ўсім: любоўю, сяброўствам і нават каляднымі святамі. Хай у мультфільме нямала змрочных сцэнаў, ён вельмі аптымістычны.
Дзе глядзець: Кавярня
Гэта цудоўнае жыццё (1946)
It’s a Wonderful Life
- Краіна: ЗША
- Жанры: Фэнтэзі, драма, сямейны
- IMDb: 8,6/10
- Пераклад: Шматгалосая закадравая агучка
Класічны фільм пра ахвярнасць, любоў, дапамогу і важнасць кожнага чалавека. Маладзён Джордж Бэйлі ўсё жыццё адмаўляецца ад сваіх мараў дзеля іншых. Напярэдадні Калядаў ён на мяжы самагубства, але да яго прыходзіць анёл-ахоўнік і паказвае, якім бы быў свет без Джорджа.
Дзе глядзець: Кінакіпа
Клаўс (2019)
Klaus
- Краіны: Гішпанія, Вялікабрытанія, ЗША
- Жанры: Анімацыя, прыгоды, камедыя
- IMDb: 8,2/10
- Пераклад: Субцітры
Цудоўны мультфільм, што і ўвесяліць, і расчуліць. Пыхлівага хлопца высылаюць наладжваць паштовую камунікацыю ў далёкае паўночнае места, дзе ён стракае самотнага старца на імя Клаўс. З гэтага знаёмства пачынаюцца дзівосныя падзеі.
Дзе глядзець: Лагодны Цмок
Гары Потэр і Філасофскі камень (2001)
Harry Potter and Philosopher’s Stone
- Краіны: Вялікабрытанія, ЗША
- Жанры: Прыгоды, драма, сямейны
- IMDb: 7,6/10
- Пераклады: Субцітры / Двохгалосая закадравая агучка
Адзін з найлепшых фільмаў для прагляду з дзецьмі — натхняльная гісторыя пра найвядомейшага хлопчыка-чараўніка і ягоных сяброў. Няхай гэта не калядны фільм, аднак там будзе эпізод, што дасць святочны гумор на ўвесь час.
Дзе глядзець: Лагодны Цмок (субцітры),
Кінакіпа (агучка)
Варта помніць
Якасны пераклад, а потым агучванне фільму — вельмі складаны, доўгі і дарагі працэс. Аднак урад Беларусі пад кіраўніцтвам Лукашэнкі не зацікаўлены ў з’яўленні беларускіх версіяў фільмаў усясветнага кінематографа.
Таму ўсе дасягненні ў гэтым кірунку былі зробленыя беларускімі аматарамі-рупліўцамі, што працуюць на ўласных натхненні, прынцыпах і ахвоце. Такі стан часам уплывае на якасць: бывае, пераклады маюць хібы, а агучку не заўжды прыемна слухаць. Але кожны такі саматужны пераклад мае душу і робіць вялікі ўнёсак для беларускай культуры — а гэта галоўнае.
Гэта ўсё
Прыйшоў час зберціся з блізкімі людзямі ў зіхаценні аганькоў і водары святочных пачастункаў. Спадзяёмся, вам удасца зладзіць утульны кінавечар, ахутаны чарамі Калядаў і беларускай мовы.
Няхай калядныя дзівы застануцца з вамі на ўвесь сезон і натхняць на дабрыню, любоў і беларушчыну. Зычым цудоўных святаў!
Аўтар артыкулу:
К. К.
