22 сакавіка ў 19:00 CreateCulture Space у Вільні запрашае на адкрыццё выставы Out(In)side беларускай мастачкі Ангеліны Блашчыцынай. Ангеліна – адна з пераможцаў сумеснага з Chrysalis Mag OPEN CALL.
Out(In)side – выстава-даследванне ўнутранага і знешняга свету чалавека праз партрэты і акварэльныя ілюстрацыі Ангеліны Блашчыцынай.
Праз кожны слой заліўкі, кожнае перапляценне колераў мастачка расказвае гісторыю пра сустрэчу рэальнасці і міфа, а акварэль як матэрыял накіроўвае гледача даследаваць крохкасць і тонкасць уласнай існасці.
«Як мастачку мяне натхняе прырода: прырода навокал нас і прырода самога чалавека. Я люблю пісаць партрэты, таму што яны адлюстроўваюць невычарпальную крыніцу энергіі і тое мноства міфаў, якое нясуць у сабе людзі», – Ангеліна Блашчыцына.
Выставу можна паглядзець з 22 сакавіка па 10 красавіка ў працоўныя дні спэйса з 9:30 па 18:00 па адрасе Karmelitų gatvė 5, CreateCulture Space, Вільня
