Першы дзень працы Усебеларускага народнага сходу ў Менску прайшоў пад знакам вялікай прамовы Лукашэнкі, дзе па сутнасці, той пералічыў як пагрозы, так і дасягнутыя за трыццаць гадоў кіравання поспехі.
Прамову каментуе палітолаг Павел Усаў:
– Нічога пазітыўнага, канструктыўнага для развіцця краіны і грамадства Лукашэнка не прадставіў. Прамова мілітарызацыйная., гатовасць да нейкіх глабальных нестабільных дзеянняў. Падкрэслівае, што ён адзіная опцыя для той сістэмы, якая стварылася ў Беларусі. Але між іншым у вайну ўступаць па сваёй волі Лукашэнка не жадае. Ён абазначыў ворага – гэта англа-саксы і Польшча. Ягоная прамова не сведчыць пра пацяпленне. Ключавыя яго думкі, што мы павінны рыхтавацца да ўсё ж такі кепскіх часоў.
Адпаведна, у сваёй прамове Лукашэнка заявіў, што Сёмы Усебеларускі народны сход «фактычна дзеліць гісторыю палітычнага жыцця краіны на да і пасля». Таксама ён сцвярджае, што Менск «спакойна ставіцца да непрымання заходнімі лібераламі нашай мадэлі палітычнага развіцця».
Цалкам гутарку слухайце ў далучаным файле:
Беларускае Радыё Рацыя
