Былая дырэктарка польскай школы ў Берасці і былая палітычная зняволеная Ганна Панішава вылучыла сваю кандыдатуру на выбарах у органы мясцовага самакіравання ў Варшаве, яна прадстаўляе апазіцыйную партыю “Права і Справядлівасць”.
На сваёй старонцы ў “Фэйсбуку” Панішава паведаміла, што балатуецца ў варшаўскім раёне Макотаў і хоча працаваць далей у камандзе Тобіяша Бачэньскага – кандыдата на пасаду прэзідэнта польскай сталіцы.
Мясцовыя выбары ў Польшчы пройдуць 7 красавіка.
Панішава — былая фігурантка так званай “справы палякаў”. Яна была затрыманая ў сакавіку 2021 года. У канцы траўня Панішаву ды яшчэ дзве асобы вывезлі на мяжу з Польшчай без права на вяртанне.
Беларускае Радыё Рацыя