Польскія дзяржаўныя органы зацікавіліся пытаннем перадачы ўладам Беларусі звестак пра палітычных эмігрантаў, пра якія папярэдне паведаміў Цэнтр беларускай салідарнасці (ЦБС) з Варшавы.
Падрабязнасці распавёў прэс-сакратар Цэнтра Антось Жукаў:
– Да нас прыйшло каля 10 зваротаў. Гэтыя беларусы зацелі замяніць свае правы кіроўцы на польскі ўзор. Польскія органы звярталіся ў беларускую амбасаду, хаця ў людзей была дадатковая абарона тут ў Польшчы. Такія выпадкі ўзнікаюць менавіта з чыноўнікамі, якія не вельмі часта працуюць з іншаземцамі. Праблема сістэмная, але не маштабная. І зараз Цэнтр беларускай салідарнасці знаходзіцца на сувязі. На нас адразу выйшлі з Міністэрства замежных спраў і яны будуць праводзіць праверку.
Па словах Антося Жукава, зараз Цэнтр беларускай салідарнасці збірае кейсы і доказы парушэнняў, каб перадаць іх польскаму боку. Гэта дапаможа пазбегнуць падобных выпадкаў у будучыні.
Калі вы гатовы падзяліцца сваёй гісторыяй, напішыце: @antoscbs
Аддзел бясплатнай правовай абароны для беларускіх мігрантаў: Telegram: Contact @cbs_help
Тэлефон: +48662200400
Беларускае Радыё Рацыя
