У Беларускай прасторы «Робім разам» прайшоў вечар памяці мастака Алеся Пушкіна, які загінуў у турме ў Беларусі. Шмат цікавага пра Алеся Пушкіна пачулі па анлайн-сувязі ад нямецкіх журналістаў Рамана Шэлла і Дэніэла Крутцыны, ад Валянціны Якімовіч з Амерыкі і Таццяны Смоткінай з Вільні.
Многа пачулі ўспамінаў і ад прысутных на вечары, кажа адзін з арганізатараў выставы, кіраўнік прасторы Сяргей Бульба:
-Я нездарма сказаў пра “Беларускую нябесную сотню”. Якраз Алесь Пушкін, Міраслаў Лазоўскі, Вітольд Ашурак – такія вось людзі паклалі ўсё сваё жыццё служэнню сваёй Радзіме. Я так разумею, што ў гэтай “Беларускай нябеснай сотні” будуць якраз тыя Арханёлы, якія будуць дапамагаць гэтай дзяржаве далей.
Паводле ўдзельнікаў мерапрыемства, вечар на фоне карцін Алеся Пушкіна з прыватнай калекцыі, стане незабыўным і важным для кожнага прысутнага.
Вядомы беларускі мастак Алесь Пушкін быў асуджаны да 5 гадоў зняволення ў калоніі строгага рэжыму. За кратамі ён знаходзіўся з сакавіка 2021 году. З лістапада 2022-га Алеся Пушкіна перавялі ў гарадзенскую турму на строгі рэжым. У гэтай турме ён і знаходзіўся да смерці.
Цалкам матэрыял:
Беларускае Радыё Рацыя
