У цяжкіх жыццёвых сітуацыях і ў складаным псіхічным і эмацыйным стане працягвае дапамагаць Жаночы клуб у Лодзі беларускім эмігранткам. Клуб стварылі год таму прадстаўнікі беларускай дыяспары.
Большасць сустрэч праходзіць афлайн, але пры неабходнасці аказваюцца анлайн-кансультацыі, – адзначыла лідарка Жаночага Клубу у Лодзі Надзея Лучанок:
-Я працягваю арганізоўваць жаночыя сустрэчы для мігрантак з Беларусі, Украіны і іншых краін. Галоўная мэта ўсіх нашых клубаў – гэта дапамога жанчынам, якія пакутуюць ад хатняга гвалту, перажываюць складаны перыяд эміграцыі і адаптацыі ў новай краіне.
Дзейнасць Жаночага клуба ў Лодзі стала магчымай дзякуючы фонду HumanDoc. У клубе ўдзельнічаюць звыш сотні беларусак.
Беларускае Радыё Рацыя
