Адбылося ўрачыстае адкрыццё крыпты Святога Дамініка і біскупа Віта пад касцёлам Святога Міхала Арханёла.
Наваградская крыпта знаходзіцца ў найстарэйшай частцы касцёла, дзе ёсць пахаванні айцоў дамініканаў і сям’і фундатараў касцёла з роду Хадкевічаў.
Працы па падрыхтоўцы крыпты, яе ачышчэнні і прывядзенні да ладу доўжыліся тры гады.
Адкрыццё крыпты для наведнікаў было прымеркавана да 400-годдзя касцёла Святога Арханёла Міхала, які адзначаецца сёлета.
